Tayammum ka Tariqa aur Masail

 تیمم کا  طریقہ اور مسائل
Tayam-mum ka Tarika aur Masail

جس کو وضو یا غسل کرنے کی حاجت ہو اور پانی نہ ملے یا پانی تو ہو لیکن اس کے استعمال میں بیماری بڑھنے یا بیمار ہو جانے کا سخت خوف ہو یا رسی ڈول یعنی کنویں سے پانی نکالنے کا سامان موجود نہ ہو یا دشمن کا خوف ہو یا سفر میں پانی ایک میل کے فاصلے پر ہو تو ان سب صورتوں میں وضو اور غسل کی جگہ تیمم کر لے

تیمم کا طریقہ 
Tayam-mum ka Tarika

تیمم میں نیت فرض ہے یعنی نیت  کرے کہ میں ناپاکی دور کرنے کے لیے یا نماز پڑھنے کے لیے تیمم کرتا ہوں نیت کے بعد دونوں ہاتھوں کو پاک مٹی پر مارے پھر ہاتھ جھاڑ کر تمام منہ پر ملے اور جتنا حصہ منہ کا وضو میں دھویا جاتا ہے اتنے حصے پر ہاتھ  پہنچائے   پھر دوبارہ مٹی پر ہاتھ مار کر ہاتھوں کو کہنیوں تک ملے اور انگلیوں کا خلال بھی کرے 

وضو اور غسل کے تیمم میں کوئی فرق نہیں ہے اور جتنی پاکی وضو اور غسل سے ہوتی ہے اتنی ہی تیمم سے بھی ہو جاتی ہے اگر 20 سال تک پانی نہ ملے تو تیمم ہی کرتا رہے

 پتھر پر تیمم جائز ہے چاہے اس پر مٹی یا غبار نہ ہو لیکن کپڑے پر جائز نہیں بعض ادمی ریل میں سفر کرتے ہوئے پانی نہ ملنے پر اپنی چادر پر تیمم کر لیتے ہیں یہ جائز نہیں 

جو چیزیں وضو کو توڑ دیتی ہیں ان سے تیمم بھی ٹوٹ جاتا ہے پانی کا ملنا اور اس کے استعمال پر قادر ہونا بھی تیمم کو توڑ دیتا ہے اگر کسی کا وضو بھی نہیں اور غسل بھی نہیں ہے تو ایک ہی تیمم کافی ہے وضو اور غسل کی نیت کر کے الگ الگ دو مرتبہ تیمم کرنا لازم نہیں

Read also..... 👇👇👇

وضو کے اہم اور ضروری مسائل